About Us - Georgian – Loosediamondnet

ჩვენს შესახებ

აღმოაჩინეთ გამორჩეული ბრილიანტების ხელოვნება და მეცნიერება. გაიგეთ, როგორ შეიქმნა Loose Diamond Net® ხარისხისადმი, გამჭვირვალობისადმი და პროფესიული სრულყოფილებისადმი სიყვარულზე. გაეცანით ჩვენს ისტორიას, გაიცანით გუნდი, რომელიც ამ გამოცდილებისა და ცოდნის უკან დგას, და ნახეთ, როგორ დავხვეწეთ ჩვენი ოსტატობა, რათა უკეთ მოგემსახუროთ.

თამარა და ავთო

ჩვენ ვართ თამარა და ავთო მუსელიანები, ცოლ-ქმარი ამერიკიდან და ჩვენი ინფორმაციით ერთადერთი ქართველი ბრილიანტის ოსტატები ამერიკაში!ყველაფერი კი ძალიან ადრე დაიწყო.

თამარა:
ამერიკაში საკმაოდ პატარა ასაკში ჩამოვედი იმ პერიოდში, როცა განათლების მიღება უნდა დამეწყო. გადავწყვიტე ჩამებარებინა კოლეჯში და პროფესიულად გავყოლოდი ინკლუზიურ განათლებას. მოგვიანებით ფსიქოლოგიის მაგისტრის ხარისხიც ავიღე. დაახლოებით 6 წელი ვმუშაობდი შეზღუდული შესაძლებლობის მქონე ბავშვებთან. ეს იყო სფერო, რომელიც ძალიან მიყვარდა და დღემდე განსაკუთრებულად ახლოს არის ჩემთან.

დასაწყისი

ბიზნესის დაწყება პირველ რიგში გვინდოდა, იმის გამო,რომ მეტი დრო გაგვეტარებინა ერთად, ოჯახურად. ავთოს პროფესია გახდა ის საწყისი წერტილი, საიდანაც დავიწყეთ.
თავიდანვე ვიცოდით, რომ სახელოსნოს გახსნა დიდ ხარჯებთან იყო დაკავშირებული, ამიტომ გადავწყვიტეთ უფრო ნიშური მიმართულება აგვერჩია ბრილიანტები. სწორედ აქედან დაიწყო ჩემი დაინტერესება და შემდგომ უკვე სერიოზული შესწავლა.

გავიარე ბრილიანტის შემსწავლელი კურსები GIA ლაბორატორიაში, ვესწრებოდით საერთაშორისო შოუებს, ვეცნობოდით მანუფაქტორებს და ეტაპობრივად ვაშენებდით ჩვენს ქსელს. შემდეგ დავარეგისტრირეთ ბიზნესი, შევქმენით ვებსაიტი და რამდენიმე წლის განმავლობაში ამერიკულ ბაზარზე ვმუშაობდით.

Website: www.LooseDiamondNet.com

ბოლო რამდენიმე თვეში გადავწყვიტეთ, რომ ქართულენოვანი მიმართულებაც გაგვეხსნა, რადგან ამ სფეროში ქართულ ბაზარზე ძალიან მწირი ინფორმაცია იყო და ჩვენს გვერდს საინფორმაციო ხასიათი მივეცით.

გვერდის შექმნიდან სულ რაღაც 4 თვეში დაახლოებით 20,000მდე გამომწერი დავაგროვეთ, რაც ძალიან დიდი ინტერესის მაჩვენებელია.

ჩვენი კონტენტი არის მაქსიმალურად გამჭვირვალე ვაჩვენებთ რეალურ შეკვეთებს, ვხსნით პროცესს, ვსაუბრობთ ფასებზე და ვატარებთ უფასო კონსულტაციებს. თითოეული ნაკეთობა ჩვენთვის უბრალოდ პროდუქტი არ არის მას თავისი ისტორია აქვს, და ვცდილობთ, მომხმარებელიც ამ ისტორიის ნაწილი გახდეს.

მარადიული ერთგულება

დღეს უკვე გვაქვს საკუთარი სახელოსნო, სადაც ავთო თითოეულ ნაკეთობას საკუთარი ხელით ამზადებს, მე კი უშუალოდ ვმუშაობ კლიენტებთან ვარჩევ ბრილიანტებს, ვუწევ კონსულტაციას და ვაკონტროლებ ყველა დეტალს.

ყველა ბრილიანტი, რომელსაც ვთავაზობთ, არის სერტიფიცირებული, და თითოეული ნაკეთობა გადის მკაცრ ხარისხის კონტროლს.

ჩვენი ისტორია არის ნათელი მაგალითი იმისა, რომ სამი მცირეწლოვანი ბავშვის ფონზეც კი, დამხმარეების, ბიუჯეტის და ძლიერი კავშირების გარეშე, შესაძლებელია წარმატებული ბიზნესის აშენება.

ჩვენ არ გვქონდა შოურუმი, არ გვქონდა დიდი ბიუჯეტი და არც გავლენიანი ნაცნობები.
გვქონდა მხოლოდ რწმენა, შრომა და ერთმანეთის მხარდაჭერა.
ავთო ხშირად ამბობს,
“მაშინ, როდესაც არავის სჯეროდა ჩვენი, მთავარი იყო, რომ ჩვენ გვჯეროდა ერთმანეთის. “
რეალურად, ყველაფერი ნოლიდან დავიწყეთ მარკეტფლეისიდან გამოწერილი, მეორადი მიკროსკოპით ვმუშაობდით. დღეს კი უკვე გვაქვს სრულფასოვანი, პროფესიონალური სახელოსნო.

ჩვენი გამოცდილება კიდევ ერთხელ ამტკიცებს, იმას რომ თუ მიზანი ნათელია და შრომა კი გულწრფელი, ერთიანობით შეუძლებელი არაფერია!

ნაბიჯი 1: ესკიზის შექმნა

ყოველი ინდივიდუალური სამკაული იწყება ნათელი ხედვით. სანამ შექმნის პროცესი დაიწყება, თქვენს იდეას ვაქცევთ დეტალურ ესკიზად, რათა თავიდანვე დაინახოთ, როგორი შეიძლება იყოს საბოლოო შედეგი. ეს ეტაპი გვაძლევს საშუალებას, ერთად დავხვეწოთ დიზაინი, პროპორციები, ქვის განლაგება და საერთო სტილი ისე, რომ სამკაული მაქსიმალურად შეესაბამებოდეს თქვენს სურვილს. ესკიზის ეტაპი არის ადგილი, სადაც კრეატიულობა და კომუნიკაცია ერთიანდება. მნიშვნელობა არ აქვს, უკვე ზუსტად იცით, როგორი დიზაინი გსურთ, თუ მხოლოდ ზოგადი იდეა გაქვთ ჩვენ გეხმარებით, ეს იდეა რეალურ, გააზრებულ და დახვეწილ ფორმად ვაქციოთ. სანამ სამკაულის დამზადება დაიწყება, თქვენ ხედავთ მის ძირითად ფორმას, ჩასმის სტილს, ქვების განლაგებასა და საერთო ბალანსს. ეს პროცესი თავიდან გვარიდებს გაუგებრობას, ვარაუდებსა და იმედგაცრუებას. ჩვენთან შეკვეთა არ ნიშნავს უბრალოდ კატალოგიდან სამკაულის არჩევას. თქვენ თავიდანვე ხდებით შექმნის პროცესის ნაწილი. ყურადღებით ვუსმენთ თქვენს გემოვნებას, შემთხვევას, ბიუჯეტს და იმ მნიშვნელობას, რომელიც ამ სამკაულს თქვენთვის აქვს. შემდეგ კი დიზაინს სწორედ ამ დეტალებზე დაყრდნობით ვქმნით. ესკიზი გაძლევთ თავდაჯერებულობას, რომ თქვენი სამკაული იქმნება გააზრებულად, ყურადღებით და თქვენი ხედვის მიხედვით არა დაჩქარებულად, არა შემთხვევით და არა სხვისი დიზაინის უბრალო გამეორებით.

ნაბიჯი II: 3D დიზაინი

ესკიზის დამტკიცების შემდეგ, დიზაინი ზუსტ 3D CAD მოდელად გარდაიქმნება. ინდივიდუალური სამკაულის შექმნაში ეს ერთ-ერთი ყველაზე მნიშვნელოვანი ეტაპია, რადგან ფიზიკური დამზადების დაწყებამდე სამკაულს უკვე ხედავთ სწორი სტრუქტურით, პროპორციებით, ქვების განლაგებითა და ტექნიკური დეტალებით. ამ ეტაპზე მხოლოდ წარმოდგენას აღარ ეყრდნობით თქვენ იღებთ ციფრულ ვიზუალიზაციას, რომელიც დიზაინს რეალობასთან ბევრად უფრო აახლოებს. 3D CAD მოდელი გვაძლევს საშუალებას, წინასწარ შევამოწმოთ პროპორციები, სისქე, ქვების ზომები, ჩასმის სიზუსტე, სიმყარე და სამკაულის კომფორტულად ტარების შესაძლებლობა. სწორედ ამ ეტაპზე შესაძლებელია მცირე ცვლილებების შეტანა, რაც საბოლოო ნამუშევარს უფრო ზუსტს, დახვეწილს და სწორად აგებულს ხდის. ჩვენი მიზანია, სამკაული იყოს არა მხოლოდ ლამაზი, არამედ ტექნიკურად გამართული და გათვლილი ხანგრძლივი გამოყენებისთვის. ჩვენთან მუშაობა ნიშნავს უფრო გააზრებულ და გამჭვირვალე პროცესს. იდეიდან პირდაპირ დამზადებაზე არ გადავდივართ. 3D დიზაინს ვიყენებთ იმისთვის, რომ დავიცვათ საბოლოო შედეგის ხარისხი და თქვენ წინასწარ გქონდეთ სრული წარმოდგენა, სანამ სამკაული ჩამოისხმება ან დასრულდება. თქვენ ხედავთ, როგორი იქნება დიზაინი, უკეთ აღიქვამთ ზომას, ფორმას და საერთო იერს, ასევე შეგიძლიათ მოითხოვოთ ცვლილებები მანამ, სანამ ნამუშევარი საბოლოო სახეს მიიღებს. სწორედ ეს სიზუსტე და ყურადღება განასხვავებს გულდასმით შექმნილ ინდივიდუალურ სამკაულს დაჩქარებული ნამუშევრისგან.

ნაბიჯი III: საბოლოო ნამუშევარი

საბოლოო ნამუშევარი ის ეტაპია, სადაც მთელი პროცესი ერთიანდება. იდეა, რომელიც თავიდან მხოლოდ წარმოდგენა იყო, დასრულებულ სამკაულად იქცევა. თითოეული დეტალი მზადდება, პრიალდება, ქვები სიზუსტით თავსდება და ნამუშევარი ყურადღებით მოწმდება, რათა მაქსიმალურად შეესაბამებოდეს დამტკიცებულ დიზაინს. ამ ეტაპზე მნიშვნელობა აქვს ყველაფერს. ჩასმის ფორმას, ქვების სიმეტრიას, ზედაპირის დასრულების ხარისხს და იმასაც, თუ როგორ იგრძნობა სამკაული ტარებისას. სწორედ აქ ჩანს განსხვავება უბრალოდ სამკაულის შეძენასა და პირადი მნიშვნელობის მქონე ნივთის შექმნას შორის. რადგან დიზაინი თავიდანვე ესკიზით დაიგეგმა და შემდეგ 3D CAD მოდელით დაიხვეწა, საბოლოო ნამუშევარს აქვს მკაფიო მიმართულება დასაწყისიდან დასრულებამდე. თქვენ არ გიწევთ იმედზე ყოფნა, რომ შედეგი სასურველი გამოვა. თქვენ თავად ხართ პროცესის ნაწილი და საბოლოო სამკაული იქმნება იმ დიზაინის მიხედვით, რომელიც უკვე ნახეთ, შეაფასეთ და დაამტკიცეთ. ჩვენთან მუშაობა უკეთესი არჩევანია, რადგან ყურადღებას ვუთმობთ გამჭვირვალობას, დეტალებს და პირად მიდგომას. თქვენ ხედავთ გზას იდეიდან დასრულებულ ნამუშევრამდე და თითოეული ეტაპი სრულდება ზრუნვითა და სიზუსტით. საბოლოო სამკაული არ არის უბრალოდ კიდევ ერთი ნივთი ვიტრინაზე. ის არის ინდივიდუალურად შექმნილი დიზაინი, რომელიც თქვენს ხედვას, გემოვნებას და ისტორიას ეფუძნება. სწორედ ეს ხდის დასრულებულ სამკაულს უფრო მნიშვნელოვანს, უფრო პირადს და უფრო ღირებულს, ვიდრე სტანდარტული მზა ნამუშევარი.